Sidik Pisan (2)

Silahkan bagikan
Rekacipta Fendy Sy Citrawarga

 

“NAON nu kudu disidik-sidik téh Bi?”
“Na Bibi titah nyidik-nyidiik nyah Ujin?”
“Apan saur Bibi kamari, rincik-rincang rincik rincang, aya londok dina bilik. Sidik pisan-sidik pisan, sok nu bibi sidik-sidik.
“Hahaha….”
“Oh éta Ujin. Nya puguh wé wajib disidik-sidik bisi matak cilaka malum ayeuna keur jaman korona. Najan geus aya new normal gé lamun katatamuan ku saha waé, kaasup ku Bibi heug sidik-sidik.”
“Enya sidik-sidik naonna, Bi?”
“Nu gampang mah heug sidik-sidik irungna bisi keur ngucur éta bahaya. Terus sidik-sidik naha dimasker naha henteu.”
“Oh…éta, nya enya atuh lebah dinyana mah. Tapi da piraku geus mulan-maléh hirup jeung korona can éling kénéh mah nepi ka teu dimasker.”
“Nu dimasker ogé kudu disidik-sidik Ujin. Kaasup Bibi.”
“Kudu disidik-sidik kénéh, Bi?”
“Enya Ujin bisi masker nu dipaké ku Bibi pahili jeung cangcut.”
“Hahaaa…..”
“Singketna mah kudu ati-ati Jin, ulah gampang percaya ka saha waé najan ka jelema pinter gé.”
“Na kumaha kitu Darsép?”
“Enya ulah siga ceuk béja di nagara batur cenah aya jelema pinter nyebutkeun bisi kakeunaan korona sok cium leungeun Mama.”
“Alah siah Darsép. Terus kumaha?”
“Nya narurut wé Jin ngaranna gé ka jelema pinter. Atuh ngantay tah sasaralaman da enya bisi aya korona. Ari pék téh…..”
“Ari pék téh kumaha Sép?”
“Ngenek sapoé tas sasalaman si jelema pinter téh maot, Bi.”
“Ku korona?”
“Nya ku naon deui Bi. Sasalaman téa atuh sarua jeung nyogrogkeun nyawa.”
“Bener Sép, sidik pisan éta mah.”
“Sidik pisan baliluna nya Bah?”
“Tah kitu, bener Sép. Nu matak dina urusan korona mah pecayakeun ka ahlina, ka pamaréntah pangpangna ahli kaséhatan. Nu sidik baé apan alusna mah caricing di imah, terus mun kaluar dina aya kapereluan penting, ulah poho maké masker, jaga jarak, cuci tangan maké sabun atawa maké cairan sanitiser téa.”
“Leres, Bah.”
“Enya kitu, Bi.”
“Ngan karunya wé abdi mah ka Kang Oyo, Bah.”
“Na kumaha kitu Sép?”
“Sumuhun si Kang Oyo tukang dagang lipen setip téa.”
“Enya kumaha?”
“Manéhna bangkrut dagang lipen setipna, Bah.”
“Beu. Karunya. Bangkrut kumaha kitu Sép? Apan meureunan laloba kénéh ibu-ibu nu barutuheun lipen setip mah.”
“Nya muhun sateuacan aya korona mah dagang lipen setip ngiderna téh laris pisan. Ayeuna mah boro-boro, Bah. Tong bujeng pameget anti lipen setip, tapi beuki nyium kanu dilipen setip……”
“Hahaa….”
“Enya, terus?”
“Sumuhun usum korona mah ibu-ibu nu biasana lambeyna mani sok burahay téh teu malésér.”
“Naha cenah Sép?”
“Muhun Bah, saur si Kang Oyo mah aya ibu-ibu nalika ditawisan téh kalah jejebris, moal Kang ah kateuteuari indit-inditan dilipen setip lima senti gé kahalangan masker!”
“Hahaa……” (lajengkeuneun) **

Baca Juga :  37 Mahasiswa Mundur Akibat Uang Pangkal, Rektor Unsika Didemo

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Tiga Rumah yang Tidak Akan Dimasuki Malaikat

Sen Jun 15 , 2020
Silahkan bagikanVISI.NEWS – Para malaikat diciptakan dari cahaya untuk selalu memuji Allah SWT, taat akan perintah Tuhannya seperti memasuki setiap rumah agar diberi rahmat siang dan malam. Mereka semua mencatat segala amal perbuatan manusia, yang nantinya akan dihisab atau ditimbang ketika Hari Akhir tiba. Mengutip Okezone.com dari ‘Buku Pintar Agama Islam’, […]